Braçe debaton me Klosin: Politikat buxhetore nuk bëhen sipas dëshirës së një ministri
Dy deputetë të Partisë Socialiste, Blendi Klosi dhe Erion Braçe, kanë debatuar ditën e sotme në Kuvendin e Shqipërisë lidhur me një plan për t’i dhënë prioritet fuqizimit të sportit të Padelit në Shqipëri.
Deputeti Klosi u shpreh se, ndonëse nga një pjesë e madhe e deputetëve shihet si një sport luksi, Padel mund të ndihmojë në rritjen e imazhit të Shqipërisë dhe të ofertës turistike.
Kreu i Grupit Parlamentar Socialist, Blendi Klosi, në fjalën e tij theksoi se:
- Opozita tregon sa larg është nga realiteti, duke diskutuar tema që nuk lidhen me menaxhimin e buxhetit të shtetit dhe zhvillimin e vendit, duke qenë larg diskutimeve për një vend kandidat në BE.
- Ky akt normativ, sipas tij, reflekton thelbin e PS-së: shteti nuk braktis askënd, ruan stabilitetin ekonomik dhe disiplinën fiskale.
- Aktit nuk rrit deficitin apo borxhin, nuk cënon të ardhurat, por bazohet në kursimet reale nga menaxhimi i kujdesshëm i financave publike.
- Ky dokument dëshmon se PS nuk premton pa mbulim, nuk shpërndan iluzione, por mundësi reale dhe mbështetje konkrete.
- Në paketë mbështetje konkrete gjejnë ata që kanë më shumë nevojë, si mbi 148 mijë qytetarë përfitues të ndihmës ekonomike dhe persona me aftësi të kufizuara.
- PS e sheh sportin, dhe në veçanti Padel, jo thjesht si mbështetje për aktivitetin, por si një aktivitet politik që rrit imazhin e Shqipërisë dhe prezencën e saj ndërkombëtare.
- Padel, edhe pse quhet luks, është një nga sportet me rritjen më të madhe në botë dhe nuk kërkon infrastrukturë të shtrenjtë si sportet tradicionale.
- Mbështetja e Padelit, bashkë me Federatën, për ndërtimin e ambienteve të reja, krijimin e qendrave të ekselencës dhe trajnimin e të rinjve, do ta pozicionojë Shqipërinë në hartën e sporteve moderne, duke rritur imazhin dhe ofertën turistike.
Deputeti Erion Braçe replikoi, duke theksuar se:
- Politikat buxhetore sektoriale nuk bëhen sipas dëshirës apo afeksionit të një ministri apo deputeti.
- 2.2 milionë euro për kuota pjesëmarrjeje në aktivitete janë shumë para.
- Sipas tij, nëse flasim për sporte moderne, Superliga po mbahet nga presidentë me paratë e tyre, ndërsa futbolli, si sport masiv, po vuan dhe një pjesë e aktiviteteve të tij po mbahet me fonde pa destinacion.
- Prandaj, Braçe sugjeroi që nëse do të mbështetet një sport, ai duhet të jetë ai masivi në Shqipëri, jo sipas dëshirës së një ministri.