Diplomatët amerikanë mbërrijnë në Venezuelë, vlerësohet rihapja graduale e ambasadës
Një ekip i Departamentit të Shtetit të Shteteve të Bashkuara, i përbërë nga personel diplomatik dhe i sigurisë, ka udhëtuar drejt kryeqytetit të Venezuelës, Karakas. Ky është vizita e parë e këtij lloji që nga arrestimi i presidentit të Venezuelës, Nicolas Maduro, dhe shënon një hap të rëndësishëm në marrëdhëniet mes dy vendeve, raporton skynews.
Sipas një zëdhënësi të Departamentit të Shtetit, qëndrimi i ekipit në Karakas ka për qëllim vlerësimin e mundësisë për rifillimin e operacioneve të ambasadës amerikane në vend. Kjo lëvizje tregon një interes të SHBA-së për të rishikuar praninë diplomatike dhe për të vlerësuar situatën politike dhe të sigurisë në vend.
Departamenti i Shtetit kishte urdhëruar largimin e stafit të ambasadës amerikane nga Venezuela në vitin 2019, për shkak të tensioneve të thella politike dhe sfidave të sigurisë. Që nga ajo kohë, lidhja diplomatike mes dy vendeve ka qenë minimale, dhe kjo vizitë mund të jetë një shenjë e hapjes së mundshme të një dialogu më të drejtpërdrejtë.
Ndërkohë, Venezuela njoftoi të premten fillimin e një “procesi diplomatik eksplorues” me Shtetet e Bashkuara.