Dronët në ndihmë të fshatarëve kinezë: Si mblidhen limonët me teknologji të reja
Në fshatin Suikou, rrethi Tongnan, Kinë, fshatarët po përjetojnë një ndryshim të rëndësishëm në punën e tyre të përditshme. Tradicionalisht, familja e Liu-t korrte limonët me dorë, duke mbartur ngarkesa të rënda nga kodrat e larta drejt zonave të ulëta, një proces i lodhshëm dhe që kërkonte shumë kohë.
Sot, teknologjia moderne po u vjen në ndihmë: drone-t e avancuar kryejnë transportin e limonëve të sapokorruar me saktësi të lartë. Këto pajisje fluturuese lëvizin mbi pemët e limonit, të pajisura me një grep teleskopik që kap dhe transporton qese me peshë deri në 100 kg secila.
Drone-t i çojnë ngarkesat direkt te kamionët që presin në lartësi më të ulët, pastaj kthehen menjëherë për turin tjetër. “Mjafton vetëm disa udhëtime me drone për të bërë punën që më parë na merrte një ditë të tërë,” – thotë Liu Wangyun.
Kjo skenë pasqyron bashkëpunimin në rritje mes njeriut dhe makinerisë në Kinë, duke transformuar prodhimin e limonëve në zonat malore të Chongqing-ut. Teknologjia jo vetëm kursen kohë dhe energji, por edhe rrit efikasitetin dhe sigurinë e punëtorëve.