Shpërthimi i Ebola-s në Kongo, rëndohet bilanci i viktimave nga virusi
Numri i vdekjeve të konfirmuara në laborator nga Ebola në Republikën Demokratike të Kongos ka arritur në 115, sipas njoftimit të Ministrisë së Komunikimit dhe Medias së vendit.
Deri më tani, janë regjistruar gjithsej 598 raste me Ebola. Aktualisht, 297 pacientë janë të shtruar në spital, ndërsa shkalla e vdekshmërisë është 19.2%.
Autoritetet po vazhdojnë përpjekjet për të identifikuar kontaktet e mundshme të pacientëve të prekur nga Ebola.
Shpërthimi aktual i Ebolës, i cili filloi në Republikën Demokratike të Kongos dhe Ugandë më 15 maj, po shqetëson ekspertët. Ata paralajmërojnë se ky mund të bëhet një nga shpërthimet më vdekjeprurëse të dekadës.