FMN kundër Ramës: ‘Paqja Fiskale’ minon progresin në administrimin tatimor
Fondi Monetar Ndërkombëtar (FMN) ka publikuar raportin e tij për Shqipërinë. Sipas raportit, vendi po vazhdon të shënojë një rritje ekonomike të fortë, e nxitur kryesisht nga turizmi dhe konsumi privat. PBB-ja reale pritet të rritet me 3.5% në vitin 2025 dhe 3.6% në vitin 2026.
Inflacioni mbetet i ulët, borxhi publik është në ulje dhe rezervat valutore janë të forta. Këta faktorë krijojnë një bazë solide për reformat e qeverisë dhe synimin për anëtarësimin në BE deri në vitin 2030.
Megjithatë, FMN paralajmëron se marrëveshja e quajtur “Paqja Fiskale” mund të minojë progresin e mëparshëm në administrimin dhe pajtueshmërinë tatimore. Ky veprim rrezikon qëndrueshmërinë fiskale, duke marrë parasysh sfidat demografike dhe shpenzimet publike në rritje.
FMN gjithashtu thekson rëndësinë e reformave strukturore në kapitalin njerëzor, tregun e punës dhe qeverisje për ruajtjen e stabilitetit makroekonomik dhe nxitjen e konvergjencës me standardet e BE-së.