Revista Forbes ka publikuar listën e 10 futbollistëve më të paguar për vitin 2025, ku vihet re prania e Lamine Yamal, 18-vjeçari i Barcelonës, i cili renditet në elitën financiare të sportit.
Cristiano Ronaldo kryeson listën me 280 milionë dollarë fitime, falë kontratës së tij me Al-Nasr. Ai është futbollisti i parë që arriti një pasuri prej një miliardë dollarësh dhe ka udhëhequr për tre vjet listën e atletëve më të paguar.
Lionel Messi, me 130 milionë dollarë, renditet i dyti. 38-vjeçari i Inter Miami siguron shumicën e të ardhurave nga marrëveshjet me sponsorë si Adidas, Lay’s dhe Mastercard, si dhe nga lansimi i produkteve të tij.
Në pesëshen e parë hyjnë gjithashtu Karim Benzema (104 milionë dollarë) me Al-Ittihad, Kylian Mbappe (95 milionë dollarë) me Real Madridin dhe Erling Haaland (80 milionë dollarë) me Manchester Cityn. Këta dy të fundit pritet të dominojnë çmimet individuale në vitet e ardhshme.
Ndërkohë, talenti i ri Lamine Yamal, me 43 milionë dollarë, ka siguruar një vend në listë, duke u sponsorizuar nga kompani si Adidas, Konami, Powerade dhe Beats by Dre. Ai ka luajtur një rol kyç në sukseset e Barcelonës, duke fituar tre trofe vendase dhe duke ndihmuar Spanjën në fitimin e Kampionatit Evropian. Kontrata e tij e re me Barcelonën zgjat deri në vitin 2031.
Renditja e plotë sipas Forbes:
- 1) Cristiano Ronaldo (Al-Nasr): 280 milionë dollarë
- 2) Lionel Messi (Inter Miami): 130 milionë dollarë
- 3) Karim Benzema (Al-Ittihad): 104 milionë dollarë
- 4) Kylian Mbappe (Real Madrid): 95 milionë dollarë
- 5) Erling Haaland (Manchester City): 80 milionë dollarë
- 6) Vinicius Junior (Real Madrid): 60 milionë dollarë
- 7) Mohamed Salah (Liverpool): 55 milionë dollarë
- 9) Jude Bellingham (Real Madrid): 44 milionë dollarë
- 10) Lamine Yamal (Barcelona): 43 milionë dollarë