Izraeli kryen operacion pastrimi në dy vendbanime në Siri
Forcat speciale të ushtrisë izraelite kanë kryer një operacion pastrimi në dy zona banimi në provincën siriane Deraa. Raportohet se ushtarët izraelitë kanë hyrë në vendbanimin Masartiya, pranë brigjeve të lumit Yarmouk, me shtatë automjete të blinduara.
Gjatë kontrolleve të banesave të banorëve vendas, janë arrestuar dy persona të cilët dyshohet se janë anëtarë të grupeve radikale.
Një njësi tjetër e forcave speciale ka kryer një operacion në vendbanimin Saysun, ndërkohë që rrugët që të çonin atje u bllokuan gjatë zhvillimit të operacioneve.