Kryeministri francez, Sebastian Lecornu, i ka shpëtuar dy votave të mosbesimit të paraqitura në parlament. Për rrëzimin e qeverisë do të nevojiteshin 289 vota pro.
Vota e parë, e propozuar nga partia e ekstremit të majtë La France Insoumise, dështoi, megjithëse me një diferencë të ngushtë, duke mbetur vetëm 18 vota larg rrëzimit të qeverisë aktuale.
Vota e dytë nuk pati gjasa të kalonte, pasi shumë deputetë nuk dëshironin të lidheshin me partinë e ekstremit të djathtë të Marine Le Pen.
Megjithëse Lecornu ka fituar kohë, ai përballet me një rrugëtim të vështirë politik, pasi Asambleja Kombëtare është tashmë e formuar dhe partia e tij nuk ka shumicën. Gjithashtu, pritet miratimi i buxhetit për vitin 2026.
Partia Socialiste ka shprehur mbështetje vetëm pas pezullimit të reformave të pensioneve, por tashmë kërkon ndryshime thelbësore në buxhet.
Më parë, kryeministrat François Bayrou dhe Michel Barnier kishin humbur vota të mosbesimit.