Gjermania do të dërgojë dy anije në Detin e Kuq, si përgatitje për një mision ushtarak në Ngushticën e Hormuzit. Ky lajm u bë i ditur nga Ministri gjerman i Mbrojtjes, Boris Pistorius.
“Ndërsa flasim, anija jonë minapastruese Fulda dhe anija e furnizimit Mosel po lundrojnë përmes Kanalit të Suezit drejt Detit të Kuq”, tha ai.
Pistorius gjithashtu nënvizoi se do të nevojitej miratimi nga Irani dhe Omani përpara çdo pjesëmarrjeje në një operacion pastrimi nga minat. Ai shtoi se çdo mision do të varet gjithashtu nga zhvillimet në bisedimet e mëtejshme midis Iranit dhe Shteteve të Bashkuara.