Gjykata e Lartë rrëzon rekursin e ish-zv.ministrit Klodian Rjepaj
Gjykata e Lartë ka rrëzuar kërkesën e ish-zv.ministrit Klodian Rjepaj për zëvendësimin e masës së sigurisë “arrest në burg”. Rjepaj akuzohet nga SPAK lidhur me dosjen e sterilizimit.
Në lidhje me këtë akuzë, kërkohet dënim me 10 vite burg për të. Në rast se Klodian Rjepaj shpallet fajtor, ai do të përfitojë uljen e 1/3 së dënimit, duke zbritur në 6 vite e 8 muaj burg.
Rjepaj është zyrtari më i lartë nën akuzë për shkeljet e konstatuara me kontratën e partneritetit publik-privat të sterilizimit, pas arrestimit në gusht të këtij viti të biznesmenit Ilir Rrapaj dhe zëvendësit të tij në Ministrinë e Shëndetësisë, Klodian Rrjepaj.
Hetimet 3-vjeçare të kryera nga SPAK kanë zbuluar shkelje të ligjit në procedurat e dhënies së njërit prej koncesioneve më të kushtueshme të sektorit të shëndetësisë, me qëllimin e vetëm shpalljen fituese të kompanive të Ilir Rrapajt dhe shtetasit Italian, Umbro Staccini.
Lista e shkeljeve përmban:
- Një studim fizibiliteti me të dhëna të rreme, në kundërshtim me ligjin.
- Hartimi i kritereve në mënyrë të tillë që t’u përshtateshin gjendjes reale të kompanive të përzgjedhura paraprakisht.
- Mosveprimi i Rjepajt për zgjidhjen e konfliktit të interesit mes tij si kryetar i komisionit të koncesionit dhe Rrapajt si përfitues i tij.
Shkelje ligjore janë gjetur edhe gjatë negocimit të kontratës koncesionare, që sipas gjyqtarit kanë qenë “dukshëm në favor të kompanisë së shpallur fituese, në dëm të interesave të shtetit”.