Momente paniku u përjetuan në Kopshtin Zoologjik të San Diegos në Kaliforni, kur një gorillë u hodh mbi barrierën prej xhami të kafazit të tij, duke thyer një nga tre shtresat mbrojtëse.
Zyrtarët e kopshtit zoologjik konfirmuan se gorilla 10-vjeçare, e quajtur Denny dhe me peshë rreth 180 kilogramë, theu një pjesë të xhamit në seksionin e Pyllit të Gorillëve.
Video të filmuara nga vizitorët tregojnë Denny-n duke sulmuar barrierën prej xhami me forcë, gjë që shkaktoi tmerr dhe vrapimin e disa familjeve për t’u larguar.
Kopshti zoologjik sqaroi se Denny nuk ishte lënduar dhe se xhami, i cili përbëhet nga tre shtresa sigurie, ishte dëmtuar vetëm në një shtresë.