Grabitja Spektakolare e Muzeut të Luvrit: Zbulimi i Autorëve Falë Analizës së ADN-së
Zbulimi i një gjurme ADN-je ka çuar në arrestimin e dy personave të dyshuar si autorë të grabitjes së muzeut të Luvrit. Sipas BFMTV, duke cituar një burim pranë grupit hetimor, identiteti i njeriut nga dy të dyshuarit u bë i mundur falë analizës së ADN-së së gjetur në vendin e ngjarjes.
Prokurorja e Parisit, Laure Beccuau, ka bërë të ditur se nga vendi i grabitjes janë mbledhur mbi 150 mostra ADN-je, gjurmë gishtash dhe prova të tjera. Autoritetet kanë analizuar të gjitha provat e lëna nga grabitësit në muze, përfshirë një helmetë, një radio dore, një jelek të verdhë dhe një prerëse metalesh.
Dy të arrestuarit janë rreth 30 vjeç dhe dyshohet se vijnë nga Aubervilliers. Roli i tyre specifik në grabitje nuk është ende i qartë, por ata konsiderohen “të dyshuarit kryesorë”.
Njëri nga të dyshuarit, i cili sipas gazetës franceze “Le Monde” posedon shtetësi franceze dhe algjeriane, u arrestua në aeroportin Roissy-Charles de Gaulle, teksa po përgatitej të udhëtonte drejt Algjerisë. Personi tjetër i arrestuar ka shtetësi franceze.
Forcat e policisë kishin nisur një hetim për të gjetur gjurmët e dy të rinjve, me qëllim kapjen e bizhuterive të vjedhura dhe zbulimin e bashkëpunëtorëve të tyre.