Sulmet në Venezuelë dhe arrestimi i Maduros: Guterres shpreh shqetësimin për shkeljen e së drejtës ndërkombëtare
Në një seancë të jashtëzakonshme të Këshillit të Sigurimit të OKB-së, nënsekretarja e përgjithshme, Rosemary DiCarlo, lexoi një deklaratë në emër të Sekretarit të Përgjithshëm, Antonio Guterres.
Guterres shprehu shqetësimin e tij se “rregullat e së drejtës ndërkombëtare nuk janë respektuar”, duke iu referuar veprimeve të Shteteve të Bashkuara në Venezuelë.
Deklarata thekson: “Jam thellësisht i shqetësuar për intensifikimin e mundshëm të paqëndrueshmërisë në vend, ndikimin e mundshëm në rajon dhe precedentin që mund të krijojë për mënyrën se si zhvillohen marrëdhëniet midis shteteve.”