“`html
Gjyqtarë dhe punonjës të ATP e AKSHI në grupin sekret që shpërndau materialet e SPAK
Hakerimi i sistemit elektronik të Strukturës së Posaçme Kundër Korrupsionit dhe Krimit të Organizuar (SPAK) po zbulon detaje të reja, duke treguar se nuk ishte një incident i izoluar, por një sulm i mirëkoordinuar.
Hetimet e thelluara tregojnë për ekzistencën e një rrjeti të strukturuar, i cili kishte për qëllim shpërndarjen e materialeve sensitive. Sipas hetimeve, kjo strukturë menaxhonte një grup në aplikacionin WhatsApp, ku materialet e rrjedhura nga SPAK shpërndaheshin strategjikisht në media me synimin për të dëmtuar imazhin e individëve të caktuar.
BalkanWeb ka siguruar listën e zyrtarëve dhe ish-zyrtarëve të lartë që ishin pjesë e këtij grupi komunikimi. Lidhja e përbashkët për shumë prej anëtarëve duket të jetë njohja me të dyshuarin kryesor, Agim Ismaili.
Anëtarët e identifikuar përfshijnë:
- Sokol Ngresi – Anëtar i Gjykatës së Lartë nga Vlora, mik me Agim Ismailin prej vitesh.
- Anton Martini – Drejtor i Hetimit Tatimor (nga e njëjta zonë me Agim Ismailin).
- Dritan Palnikaj – Sekretar i Përgjithshëm në MBU (nipi i Agimit).
- Ermal Kënaçi – Shef i komisariatit nr. 2 në Tiranë (ish-shef sektori në SHKKB, i shkarkuar).
- Melsi Beli – Punon në AKSHI (lidhur me Agim Ismailin pasi ky i fundit e ka pasur vartës te burgjet), larguar nga detyra.
- Blerina Hoxha – Punon në AKSH (lidhur me Melsi Belin).
- Jonida Baçi – ish-drejtoreshë e ATP, e shkarkuar nga detyra (nga hetimi del lidhje miqësie me Agim Ismailin).
- Ylli Gaxholli – ish-punonjës në ATP (Agjencinë e Pronave), i shkarkuar (lidhur prej kohësh me Agim Ismailin dhe Jonida Baçin, ish-drejtoreshë e ATP).
- Maltin Malaj – ish-drejtor në DPB tek prokurimet me Admir Arbrin, drejtor i Burgjeve.
“`