Holanda do të marrë ilaç eksperimental kundër hantavirusit
Sipas portalit “Hart van Nederland”, Holanda do të jetë një nga vendet e para në Evropë që do të pajiset me një sasi të ilaçit eksperimental kundër hantavirusit, të quajtur Favipiravir. Ky veprim vjen në mes të shqetësimeve për një rritje të rasteve me këtë infeksion.
Ilaçi është zhvilluar nga kompania japoneze Fujifilm Pharmaceuticals dhe aktualisht nuk ka marrë miratimin përfundimtar. Megjithatë, prodhuesi ka vendosur ta dhurojë atë në disa vende të Bashkimit Evropian, përfshirë Holandën, Spanjën dhe Francën.
Komisioni Evropian ka bërë të ditur se dërgesa totale do të përfshijë rreth 1,400 tableta. Siç thekson portali “Hart van Nederland”, edhe pse Agjencia Evropiane e Barnave e ka konsideruar ilaçin të sigurt për përdorim në provat klinike, efektiviteti i tij specifik kundër hantavirusit nuk është konfirmuar ende përfundimisht.
Data e saktë e mbërritjes së ilaçit në Holandë nuk është bërë ende publike.