Elseid Hysaj pritet të largohet nga Lacio gjatë merkatos së verës, pasi mbrojtësi shqiptar nuk bën më pjesë në planet kryesore të klubit kryeqytetas. Kontrata e tij është e vlefshme deri në qershor 2026 dhe pritet të largohet me parametra zero.
Sipas raportimeve nga mediat italiane, një nga skuadrat e interesuara për shërbimet e tij është Parma, e cila po shqyrton mundësinë për ta afruar lojtarin pa kosto transferimi. Klubi emilian e sheh Hysajn si një përforcim me eksperiencë, i cili njeh shumë mirë kampionatin italian.
Trajneri i Parmës, Karlos Kuesta, thuhet se e vlerëson profilin e mbrojtësit shqiptar, si për cilësitë në fushë ashtu edhe për eksperiencën e fituar ndër vite në Serinë A. Për momentin, gjithçka mbetet në fazë kontakti dhe vlerësimi, por pista që e lidh Hysajn me Parmën po fiton gjithnjë e më shumë terren, me zhvillime që priten në javët në vijim.