Një incident i pazakontë ka ndodhur këtë javë në rezidencën e ish-futbollistit të njohur gjerman Mehmet Sholl në Mynih.
Të hënën në mëngjes, rreth orës 5:00, një 48-vjeçar ka depërtuar në vilë ndërsa gjithë familja ishte duke fjetur. Sipas gazetës “Bild”, personi ka hyrë nga një dritare, është dushuar, ka ngrënë mëngjes dhe më pas është drejtuar drejt dhomës së vajzës 20-vjeçare të Shollit. Ajo po flinte me të dashurin e saj, futbollistin 24-vjeçar Sandro Porta, i cili luan për Mynih 1860.
Personi ka tentuar të hyjë në shtrat bashkë me ta, duke i zgjuar. Në atë moment, prania e tij është zbuluar, siç dëshmon vetë vajza e ish-futbollistit:
“I panjohuri hyri në dhomën ku po flija me të dashurin. Kur ai u përpoq të shtrihej mbi mua, unë dhe i dashuri im e rrahëm mirë. Pastaj e neutralizuam derisa mbërriti policia”, ka treguar ajo.
Mehmet Sholl, i zgjuar nga rrëmuja, gjithashtu ka ndërhyrë për të mbrojtur vajzën e tij. Personi i panjohur ka pësuar dëmtime fizike para se të arrestolehett nga policia.
Sipas informacioneve të para, bëhet fjalë për një shtetas gjerman nga distrikti i Misbah, i cili rezulton të ketë pasur probleme mendore. Policia e ka shoqëruar në stacion dhe më pas është dërguar në një qendër për trajtimin e personave me probleme mendore.