Ushtria izraelite ka lëshuar një urdhër evakuimi për banorët e zonës perëndimore të Tabrizit, Iran.
Ushtria izraelite ka paralajmëruar banorët të evakuohen nga një zonë industriale në perëndim të Tabrizit, një qytet në veriperëndim të Iranit. Paralajmërimi u bë përmes një postimi në llogarinë e saj në platformën X, në gjuhën persiane.
Ushtria deklaroi se të gjithë personat në zonën e caktuar duhet të largohen menjëherë për “sigurinë dhe mirëqenien” e tyre. Forcat e Mbrojtjes të Izraelit (IDF) njoftuan se sulmet do të kryhen në orët në vijim, duke shtuar: “Prania juaj në këtë zonë e vë jetën tuaj në rrezik”.
Ushtria izraelite bashkëngjiti postimit në median sociale edhe një hartë, e cila tregonte zonën e synuar për sulmet.