Teherani kërcënon qytetarët iranianë që veprojnë në përputhje me interesat e armikut
Irani ka kërcënuar qytetarët se do të veprojë me vendosmëri kundër atyre që veprojnë kundër Republikës Islamike.
“Ne jemi në një gjendje lufte”, tha kreu i gjyqësorit iranian, Golam-Hossein Mohseni Ezei, i njohur për rolin e tij në goditjen e lëvizjeve protestuese në Iran. Mediat shkruajnë se ai është një mbështetës i vendosur i burgosjes masive, gjykimeve të shkurtuara dhe përdorimit të dënimit me vdekje.
“Rrjedhimisht, ata që veprojnë në çfarëdo mënyre, fjalë apo vepër, në përputhje me interesat e paligjshme të armikut agresor, do të trajtohen me forcë dhe ashpërsi, në përputhje me ligjet dhe rregullat në fuqi”, paralajmëroi ai gjatë ditës së pestë të përshkallëzimit të tensioneve.