Pas deklaratës së Trump, Irani konfirmon: “Mojtaba Khamenei është në gjendje të mirë shëndetësore”
Ministri i Jashtëm iranian, Abbas Araghchi, deklaroi në një intervistë për Alaraby Aljadeed se Mojtaba Khamenei është në shëndet të mirë dhe në kontroll të plotë të situatës. Ky konfirmim vjen si përgjigje ndaj spekulimeve që janë përhapur për shkak të mungesës së tij publike që nga data 8 mars.
Araghchi shtoi se Irani mbështet çdo iniciativë rajonale që synon një fund të drejtë të luftës. Ai gjithashtu bëri të ditur se Ngushtica e Hormuzit mbetet e hapur për të gjithë, me përjashtim të anijeve amerikane dhe atyre të aleatëve të SHBA-së. Lidhur me situatën aktuale, ai theksoi se deri më tani nuk ka ndonjë iniciativë konkrete në tryezë për t’i dhënë fund luftës.