Irani paralajmëron sulme të reja në rajon: Do të godasim ndërmarrjet e lidhura me SHBA-të
Korpusi i Gardës Revolucionare Islamike (IRGC) ka paralajmëruar për sulme të mundshme ndaj ndërmarrjeve të lidhura me Shtetet e Bashkuara në Lindjen e Mesme në orët në vijim. Agjencia e lajmeve Fars raportoi se IRGC u bëri thirrje banorëve vendas të evakuohen nga zonat e rrezikuara.
“Po e paralajmërojmë administratën amerikane që të evakuojë të gjitha bizneset amerikane në rajon. Përveç kësaj, u bëjmë thirrje banorëve të zonave të vendosura pranë objekteve industriale, në të cilat amerikanët janë aksionarë, që të largohen nga këto territore për të shmangur dëmet e mundshme”, citoi Fars deklaratën e Gardës Revolucionare të Iranit.
Raportohet se sulmet mund të kryhen në orët në vijim, ndërsa Irani prej ditësh ka shënjestruar objektivat amerikane në rajon.