Izraeli raporton sulm të ri me raketa nga Irani
Ushtria izraelite ka njoftuar se ka zbuluar lëshime të reja raketash nga territori iranian dhe se po fillon neutralizimin e tyre. Forcat Mbrojtëse të Izraelit lëshuan një deklaratë për këtë çështje, duke theksuar se “Ushtria izraelite ka zbuluar një lëshim rakete drejt territorit të vendit. Sistemet mbrojtëse po punojnë për të kapur raketat”.
Këto zhvillime vijnë pas operacioneve ushtarake që Shtetet e Bashkuara dhe Izraeli nisën kundër Iranit më 28 shkurt, duke kryer sulme ajrore në disa qytete. Në përgjigje, Irani raportohet se ka lëshuar raketa drejt territorit izraelit dhe ka sulmuar bazat ushtarake amerikane në vendet e Gjirit. Si pasojë e situatës, disa vende në rajon kanë mbyllur përkohësisht hapësirën e tyre ajrore.
Gjithashtu, në njoftim përmendet se po atë ditë, udhëheqësi suprem i Iranit, Ali Khamenei, u vra në sulme.