Izraeli po planifikon sulm tokësor në Liban kundër Hezbollahut
Izraeli po përgatitet për një operacion tokësor në shkallë të gjerë në Libanin jugor, me qëllim “shpërbërjen” e forcave të Hezbollahut në jug të lumit Litani. Ky informacion vjen nga një raport i publikuar nga Axios, i cili citon zyrtarë izraelitë dhe amerikanë.
Operacioni parashikohet të përfshijë pushtimin e të gjithë zonës në jug të lumit Litani dhe eliminimin e infrastrukturës ushtarake të Hezbollahut. Sipas raportimeve, ky do të jetë operacioni më i madhi i kryer në Liban që nga lufta e vitit 2006.
Një zyrtar i lartë izraelit është cituar nga Axios duke thënë: “Ne do të bëjmë atë që bëmë në Gaza”.
Ky operacion u planifikua pas sulmit të Hezbollahut ndaj Izraelit, ku u qëlluan mbi 200 raketa, në koordinim me veprimet e Gardës Revolucionare (IRGC).