A do të përshkallëzohen luftimet? Izraeli urdhëron evakuimin e fshatrave në Libanin jugor
Forcat e Armatosura të Izraelit (IDF) kanë lëshuar urdhra të rinj për evakuimin e banorëve nga disa fshatra në jug të Libanit. Sipas një deklarate të dhënë nga zëdhënësi i IDF-së, Avichay Adraee, banorët e fshatrave Arnoun, Yahmar, Zoutar al-Sharqiya dhe Zoutar al-Gharbiya duhet të largohen menjëherë dhe të drejtohen në veri të qytetit Nabatieh për sigurinë e tyre.
“Për sigurinë tuaj, duhet të evakuoni menjëherë shtëpitë tuaja dhe të shkoni në veri të Nabatieh,” tha Adraee në një mesazh drejtuar komunitetit lokal.
Zëdhënësi i IDF-së theksoi se evakuimi është i nevojshëm për shkak të aktiviteteve të Hezbollah-ut, të cilat, sipas tij, “po i detyrojnë Forcat Mbrojtëse të Izraelit të ndërmarrin veprime të ashpra”.