Rikthimi te fitorja për Juventusin, Cambiaso: Tani synojmë të marrim maksimumin
Pas një pjesë të parë të luftuar që përfundoi pa gola, Juventusi u zhbllokua në pjesën e dytë falë golit të Cambiasos dhe mposhti Pizën me rezultatin 4-0. Ky triumf i riktheu bardhezinjtë te fitorja pas katër ndeshjeve pa arritur të shënonin.
Pas ndeshjes, anësori i Juventusit foli për mikrofonat e “Sport Mediaset” rreth suksesit:
“Në pjesën e parë luanim topin me ritëm të ulët dhe nuk gjenim hapësira kundër një kundërshtari të mbrojtur mirë. Në pushim, vendosëm të ishim më agresivë dhe kjo bëri që pjesa e dytë të shkonte shumë më mirë,” – tha ai.
Ky rikthim te fitorja vlerësohet si shumë i rëndësishëm për moralin e ekipit, sidomos pas një periudhe të vështirë:
“Po, është një fitore shumë e rëndësishme. Na kanë mbetur edhe dy ndeshje para pushimit të fundit. Duhet t’i përgatisim sa më mirë dhe të marrim maksimumin e pikëve të mundshme. Jam shumë i kënaqur që arrita të zhbllokoja ndeshjen. Në këto lloj takimesh, kryesorja është të hapësh lojën, dhe më pas gjithçka vjen më lehtë. Jam i lumtur që kontribova për skuadrën.”
“Tani hyjmë në garën e plotë. Çdo ndeshje do të ketë rëndësinë e saj dhe ne duhet të vazhdojmë të jemi të përqendruar dhe të punojmë fort,” – përfundoi ai.