Kazakistani dhe SHBA-të nënshkruajnë memorandum bashkëpunimi për mineralet kritike
Kazakistani dhe Shtetet e Bashkuara të Amerikës nënshkruan të enjten një memorandum mirëkuptimi për bashkëpunimin në fushën e mineraleve kritike. Një deklaratë nga shërbimi për shtyp i presidencës së Kazakistanit, Akorda, njoftoi se memorandumi u nënshkrua nga Ministri i Industrisë dhe Ndërtimit, Yersain Nagaspayev, dhe Sekretari i Tregtisë i SHBA-së, Howard Lutnik.
Nënshkrimi u zhvillua në prani të Presidentit Kassym-Jomart Tokayev, i cili mbërriti në SHBA të mërkurën. Presidenti Tokayev do të marrë pjesë në samitin e 10-të diplomatik C5+1, një format që përfshin SHBA-në dhe pesë vendet e Azisë Qendrore. Samiti do të organizohet nga Presidenti i SHBA-së në Uashington, D.C. më vonë të enjten.
Nënshkrimi i memorandumi erdhi pas një takimi mes Presidentit Tokayev dhe përfaqësuesve të administratës amerikane, përfshirë Sekretarin e Shtetit Marco Rubio dhe të Dërguarin Special për Çështjet e Azisë Jugore dhe Qendrore Sergio Gor.
Një deklaratë tjetër theksoi se Presidenti Tokayev nënvizoi “mundësitë e shkëlqyera” midis Kazakistanit dhe SHBA-së për të forcuar më tej partneritetin strategjik përmes bashkëpunimit ekonomik. Sipas presidentit, vendi i tij mban lidhje politike aktive me Shtetet e Bashkuara në nivele të ndryshme dhe është i gatshëm të angazhohet në dialog konstruktiv për të thelluar bashkëpunimin shumëplanësh.