Janë publikuar pamjet e para të këpucëve të cilat Kristiano Ronaldo do t’i veshë në Kupën e Botës 2026. Këpucët, të quajtura Nike Mercurial Superfly 1 CR7 2026 World Cup, paraqesin një homazh tërheqës ndaj modelit origjinal të vitit 2009, duke pasur një dizajn me estetikë luksoze të quajtur “Last Dance”.
Ngjyra zyrtare e këtyre këpucëve është “Metallic Gold Star / White”. Pjesa e sipërme ka një ngjyrë të artë dhe përfshin fibrat e teknologjisë ikonike Flywire, të cilat janë të dukshme në anët, duke sjellë në kujtesë modelin Superfly 1 origjinal të lansuar në vitin 2009. Një logo e bardhë e pastër (Swoosh) krijon një kontrast elegant me ngjyrën e artë.
Në pjesën e takës, është vendosur shenja karakteristike “CR7 Mercurial”, duke theksuar kështu natyrën e tyre speciale. Për të siguruar një performancë të shkëlqyer, Nike ka bashkuar dizajnin retro të pjesës së sipërme me pllakën moderne të thembrës Mercurial Vapor 16. Pllaka është e përfunduar me një efekt mbresëlënës kromi Metallic Gold.
Këpucët Nike Mercurial Superfly 1 CR7 2026, me ngjyrë të artë, pritet të dalin në shitje në fillim të qershorit 2026.