Kina fillon manovra ushtarake rreth Tajvanit, Taipei: U zbuluan katër anije të Rojës Bregdetare
Tensionet mes Kinës dhe Tajvanit po shënojnë një përshkallëzim të mëtejshëm, pasi Pekini ka njoftuar fillimin e ushtrimeve ushtarake rreth ishullit, duke përdorur municione të vërteta.
Autoritetet kineze nuk kanë dhënë detaje të plota mbi kohëzgjatjen e manovrave. Ndërkohë, Tajvani ka reaguar duke deklaruar se katër anije të rojes bregdetare kineze janë vërejtur pranë ujërave territoriale tajvaneze.
Qeveria e Tajvanit i ka dënuar këto veprime, duke i cilësuar si një “kërcënim ushtarak” dhe një shkelje të stabilitetit rajonal. Në përgjigje të manovrave kineze, autoritetet tajvaneze njoftuan se kanë ndërmarrë një vendosje të përshtatshme të forcave të tyre për të garantuar sigurinë dhe mbrojtjen e territorit.
Situata mbetet e tensionuar, ndërsa komuniteti ndërkombëtar ndjek me shqetësim zhvillimet në rajon.