Një situatë e pazakontë ndodhi gjatë ndeshjes SHBA-Paraguaj pas një vendimi arbitror që përfshiu spanjollin Karlos Del Cerro Grande.
Arbitri i ndeshjes, Dani Makelie, fillimisht i dha karton të verdhë mbrojtësit amerikan Ream për një ndërhyrje ndaj Almiron. Problemi nisi kur loja rifilloi pas faullit dhe arbitri u njoftua nga sistemi VAR, ku ndodhej Del Cerro Grande. Ajo që pasoi shkaktoi konfuzion të konsiderueshëm.
Ndërhyrja e ndihmësit të arbitrit të videos u shpjegua si një rast i identitetit të gabuar, një nga situatat në të cilat VAR mund të kërkojë rishikim nga arbitri kryesor. Megjithatë, pas rishikimit të videos, ekipi arbitror ndryshoi vendimin. Ky ndryshim rezultoi në anulimin e kartonit të verdhë të dhënë lojtarit paraguaian për një supozim simulimi dhe në akordimin e një faulli në favor të SHBA-së.
“Një rast i identitetit të gabuar mund të korrigjohet vetëm duke verifikuar identitetin e personit që ka kryer shkeljen. Por kjo nuk justifikon ndryshimin e vendimit teknik. Nga e morën këtë ide?!” komentoi Iturralde Gonzalez, ish-gjyqtar i njohur spanjoll.
“Shpjegimi teknik që ata japin është se loja mund të ndërpritet në rast paralajmërimi për identitet të gabuar. Ata e përdorën këtë si justifikim. Ky është një shtrembërim i rregullave,” sqaroi më vonë Iturralde, duke e cilësuar këtë veprim si “një nga gabimet më të mëdha të Kupës së Botës.”