Koreja e Veriut organizoi një paradë madhështore ushtarake, ku lideri Kim Jong Un prezantoi raketën më të re balistike ndërkontinentale.
Ngjarja, që shënoi 80-vjetorin e themelimit të Partisë së Punëtorëve, u ndoq nga personalitete të huaja, përfshirë përfaqësues nga Kina, Rusia dhe Vietnami.
Gjatë paradës, Koreja e Veriut ekspozoi raketën Hwasong-20, për të cilën media shtetërore e përshkroi si “sistemin më të fuqishëm strategjik bërthamor” të vendit.
Ekspertët vlerësojnë se Hwasong-20 mund të ketë aftësinë të shënjestrojë territore të largëta, megjithatë mbeten disa pikëpyetje mbi saktësinë e drejtimit dhe aftësinë e kokës bërthamore për t’i përballuar rihyrjen në atmosferë.
Analistët sugjerojnë se raketa mund të jetë projektuar për shpërndarje të shumë koka luftarake, duke shtuar presionin mbi sistemet e mbrojtjes raketore.
Përveç raketës ndërkontinentale, në paradë u shfaqën edhe raketa balistike hipersonike, raketa lundruese, lloje të reja raketash hedhëse dhe hedhësa dronësh vetëvrasës.