Kosta Rika dhe SHBA-të sekuestrojnë 4 ton kokainë në Paqësor
Forcat e policisë së Kosta Rikës, me mbështetjen e Rojes Bregdetare të Shteteve të Bashkuara, kanë kryer një operacion të përbashkët të suksesshëm, duke sekuestruar më shumë se katër ton kokainë. Ministri i Sigurisë së Kosta Rikës e ka cilësuar këtë ngjarje si “historike”, ndërsa dy shtetas kolumbianë janë arrestuar lidhur me rastin.
Kjo ngjarje vjen në një kontekst ku Kosta Rika ka pasur një rritje shqetësuese të krimit të lidhur me trafikimin e substancave të paligjshme. Midis viteve 2022 dhe 2024, vendi ka sekuestruar gjithsej 81 ton drogë. Dikur konsideruar si vendi më i sigurt në Amerikën Qendrore, Kosta Rika tani po përballet me një rritje të shkallës së vrasjeve, e cila në vitin 2024 arriti në 16.6 për 100,000 banorë, dyfishi i mesatares globale.
Për shkak të situatës aktuale, Uashingtoni ka lëshuar një njoftim zyrtar për qytetarët amerikanë që udhëtojnë drejt vendit.
Në qershor, policia e Kosta Rikës arrestoi Celso Gamboa, ish-gjyqtar dhe ish-ministër i sigurisë. Ai aktualisht përballet me ekstradimin drejt Shteteve të Bashkuara, ku autoritetet kërkojnë ta vënë në gjyq për trafik droge.