Irani sulmon Kuvajtin me dronë dhe raketa, mbrojtja ajrore aktivizohet
Kuvajti është goditur nga një sulm me raketa dhe dronë nga Irani në orët e para të mëngjesit, sipas një njoftimi zyrtar të Forcave të Armatosura të Kuvajtit. Autoritetet ushtarake theksuan se sistemet e mbrojtjes ajrore u aktivizuan menjëherë për të neutralizuar sulmet.
Sipas deklaratës së publikuar në rrjetet sociale, shpërthimet e dëgjuara në territorin e vendit janë rezultat i veprimeve të forcave mbrojtëse për të interceptuar kërcënimin. “Mbrojtja ajrore e Kuvajtit po përballet me sulme armike me raketa dhe mjete ajrore pa pilot. Shpërthimet janë pasojë e ndërhyrjes së tyre,” thuhet në njoftim, ndërsa qytetarëve u është bërë thirrje të ndjekin udhëzimet e sigurisë të lëshuara nga autoritetet.