“`html
Levandowski, ëndrra e mundshme e Juventusit, por me një kusht
Drejtuesit e Juventusit kanë marrë një vendim: në verë do të afrojnë një sulmues të nivelit të lartë. Ky lajm ngjall entuziazëm te çdo tifoz futbolli, pasi mundësia për të parë një yll si Robert Lewandowski në Serie A është shumë tërheqëse, veçanërisht për tifozët bardhezinj, të cilët mund të ëndërrojnë ta shohin sulmuesin polak me fanellën e tyre.
Megjithatë, marrëveshja është jashtëzakonisht e komplikuar. Pavarësisht kësaj, drejtuesit e “Zonjës së Vjetër” kanë lënë një hapje.
Sulmuesi që do të vijë
Juventusi ka vendosur t’i plotësojë kërkesën trajnerit Luciano Spalletti për një sulmues të ri. Që në janar, trajneri kishte shprehur nevojën për një “numër 9” me karakteristika të ndryshme nga Lois Openda dhe Jonathan David, të cilët rezultuan blerje të dështuara në merkaton e fundit. Në fund, gjatë merkatos së dimrit, erdhi vetëm Jeremie Boga, i cili nuk është një sulmues qendror me peshë. Prandaj, të gjitha shenjat tregojnë se në qershor drejtuesit bardhezinj do t’i japin dëshirën Spaletit. Ndër emrat në listë, ai që ngacmon më shumë interesin e Juventusit është padyshim Lewandowski.
“Zbritje” pagash
Sipas raportimeve të Fabrizio Romanos, kontaktet mes rrethit të polakut, kontrata e të cilit me Barcelonën skadon në qershor, dhe Juventusit kanë qenë të shumta. Marrëdhënia mes Pini Zahavi, agjentit të lojtarit, dhe Damien Comolli është shumë e mirë. Juventusi ka shprehur interes të fortë për Lewandowski, por ka vendosur një kusht: polaku duhet të pranojë të ulë pagën e tij aktuale prej 1.7 milionë euro bruto në muaj që merr në Barcelonë.
Barça, SHBA dhe Arabia
Megjithatë, Juventusi nuk është skuadra e vetme që kërkon shërbimet e tij. Barcelona, klubi aktual i Lewandowskit, i ka ofruar një rinovim kontrate me shifra më të ulëta se ato që merr aktualisht. Deri tani nuk ka pasur përgjigje nga lojtari, edhe sepse, sipas informacioneve të para, ka pasur oferta të tjera shumë të pasura për ish-lojtarin e Bayern Munich dhe Borussia Dortmund, sidomos nga MLS dhe Saudi League.
Lewandowski, pra, në fund të sezonit do të duhet të marrë një vendim: të zgjedhë pagën e lartë apo të përzgjedhë projektin sportiv. Në rastin e dytë, Juventusi do të jetë gati të shfrytëzojë mundësinë.
“`