Presidenti i Iranit: Mbështetja e Putinit na frymëzon në këtë luftë
Presidenti i Iranit, Masoud Pezeshkian, e ka vlerësuar aleancën me Rusinë si një mbështetje në përpjekjet e tyre luftarake. “Mesazhet e Presidentit Putin dhe mbështetja e popullit rus na frymëzojnë në këtë luftë. Në emër të popullit të Iranit, falënderoj qeverinë dhe popullin e Rusisë,” shkroi ai në rrjetet sociale.
Pezeshkian shtoi se marrëdhëniet e mëparshme në rajon janë transformuar dhe po formohen lidhje të reja.
I pyetur në lidhje me mbështetjen e Moskës për Teheranin, sekretari i shtetit i SHBA-së, Marco Rubio, u tha gazetarëve se ai mendonte që Rusia po përqendrohej kryesisht në luftën e saj me Ukrainën, sesa në ndihmën ndaj Iranit. Megjithatë, ministri i jashtëm i Francës, Jean-Noel Barrot, tha se të gjitha provat tregonin se Rusia po ndihmonte përpjekjet ushtarake të Iranit kundër objektivave amerikane në Lindjen e Mesme.