Ushtria izraelite bën bilancin: Kemi eliminuar 15 anëtarë të Hezbollahut që nga fillimi i nëntorit
Ushtria izraelite njoftoi sot se ka vrarë 15 anëtarë të Hezbollahut që nga fillimi i nëntorit, teksa ka intensifikuar sulmet ajrore ndaj zonave në jug dhe lindje të Libanit.
Forcat izraelite deklaruan se objektivat e tyre janë pozicionet e Hezbollahut, pas një bastisjeje të kryer këtë mëngjes, ku një person u vra në rrugën që lidh qytetet kryesore të jugut. Një burrë, i akuzuar për kontrabandë armësh në emër të Hezbollahut, humbi jetën gjatë operacioneve.
Sulmet kanë prekur disa zona malore në rajonin jugor Nabatieh dhe dy të tjera në vargmalin Anti-Liban, pranë kufirit me Sirinë, sipas agjencisë kombëtare libaneze të lajmeve (ANI).
Ushtria izraelite bëri të ditur gjithashtu se ka goditur “infrastrukturë terroriste” të Hezbollahut në Nabatieh dhe një vend prodhimi e magazinimi armësh strategjike në Luginën Bekaa, në Libanin lindor.
Ky intensifikim i sulmeve vjen pothuajse një vit pas konfliktit të fundit midis Izraelit dhe Hezbollahut, me fokus në ndalimin e riarmatosjes së grupit pro-iranian.