Putin urdhëron masa për të siguruar dorëzimin e trupave ukrainase, pretendon rrethimin e mbi 10 mijë ushtarëve
Forcat ruse kanë rrethuar qytetin Kupyansk në rajonin e Kharkiv dhe po marrin kontrollin e kalimeve ushtarake mbi lumin Oskol, sipas Shefit të Shtabit të Përgjithshëm rus, Valery Gerasimov.
Presidenti Vladimir Putin, gjatë një vizite në një qendër komande për atë që ai e ka quajtur “operacionin special në Ukrainë”, ka urdhëruar marrjen e masave për të siguruar dorëzimin e trupave ukrainase dhe për të minimizuar humbjet në njerëz.
Sipas Kremlinit, të cituar nga agjencia TASS, rreth 5,000 ushtarë ukrainas raportohet se janë rrethuar në zonën Kupyansk, ndërsa mbi 5,500 janë rrethuar në Pokrovsk të Donetskut.
Situata mbetet e tensionuar, ndërsa forcat ruse po vijojnë ofensivën në këto rajone.