Sezone të vështira dhe humbja e shiritit të kapitenit, Meguajër ka rilindur me Kerrik! Milani e kërkon, por ai do të rinovojë me Junajtid.
Rinovimi i kontratës së Harry Maguire me Manchester United duket gjithnjë e më afër. Mbrojtësi anglez, kontrata e të cilit me vlerë rreth 180,000 paund në javë skadon në fund të qershorit, mund ta zgjasë qëndrimin e tij në Old Trafford përtej kësaj vere.
Që nga janari, Maguire ka qenë i lirë të negociojë me klube të huaja dhe nuk ka pasur mungesë interesi në muajt e fundit. Ndër klubet që kanë bërë kërkesa janë Milani dhe klubi i Ligës Profesionale Saudite, Al Qadsiah.
Pavarrësisht kësaj, dëshira e qendërmbrojtësit mbetet e qartë të vazhdojë aventurën e tij me United. Një marrëveshje e re është në horizont, veçanërisht duke pasur parasysh rikthimin e tij të fundit. Ardhja e Michael Carrick në stol ishte vendimtare, duke e rikthyer atë në qendër të projektit të trajnerit.
Pas sezoneve të vështira dhe humbjes së shiritit të kapitenit, Maguire rifitoi kohën e lojës dhe vetëbesimin, duke u bërë përsëri një figurë kyçe në mbrojtje. Klubi thuhet se është gati të bëjë një ofertë në javët në vijim, duke synuar të arrijë një marrëveshje si për pagën ashtu edhe për kohëzgjatjen e kontratës së re.
Për mbrojtësin anglez, i cili po i afrohet moshës 33 vjeç, kjo do të konfirmonte një rilindje të vërtetë në Old Trafford pas një udhëtimi me ulje-ngritje, sipas Daily Mail.
PANORAMASPORT.AL