Vance për marrëveshjen me Iranin: Mund ta transformojë Lindjen e Mesme për 50 vitet e ardhshme
Zëvendëspresidenti i Shteteve të Bashkuara, J.D. Vance, ka vlerësuar marrëveshjen e arritur mes Uashingtonit dhe Teheranit si një zhvillim historik. Ai deklaroi se kjo marrëveshje ka potencialin të transformojë rrënjësisht Lindjen e Mesme për 50 vitet e ardhshme.
Në një intervistë për Fox News, Vance u shpreh se rajoni ka qenë prej dekadash burim konfliktesh dhe tensionesh. Ai theksoi se presidenti Donald Trump ka arritur të “eliminojë kërcënimin e Iranit”. Sipas tij, marrëveshja hap rrugën për një epokë të re stabiliteti dhe zhvillimi ekonomik në Lindjen e Mesme.
Vance shtoi se kjo situatë mund të krijojë përfitime të rëndësishme edhe për ekonominë amerikane.
Ndërkohë, sipas raportimeve të New York Times, pati diskutime edhe për kohën e shpalljes së marrëveshjes. Dy zyrtarë iranianë kanë deklaruar se Teherani priti deri pas mesnatës së të dielës për të finalizuar marrëveshjen, me qëllim që momenti historik të mos përkonte me ditëlindjen e Donald Trump. Megjithatë, diferenca kohore mes SHBA-së dhe Iranit bëri që të dyja palët të paraqesin versione të ndryshme për kohën e finalizimit të saj.