Lufta dhe kriza e naftës: Meloni do të vizitojë Gjirin Persik
Kryeministrja italiane, Giorgia Meloni, është përgjigjur presidentit të SHBA-së, Trump, duke theksuar se Evropa duhet t’i mbrojë interesat e saj dhe jo të ndjekë një rrugë të ndarë nga SHBA.
“Unë vazhdoj të besoj se në fushën gjeopolitike Evropa ka pak për të fituar nga një rrugë e ndryshme nga SHBA. Megjithatë, puna jonë është të mbrojmë interesat tona kombëtare. Kur nuk pajtohemi, duhet ta themi. Dhe këtë herë, nuk pajtohemi,” – tha ajo për mediat italiane.
Meloni ka njoftuar më herët se do të vizitojë rajonin e Gjirit Persik. Vizita synon të jetë një gjest solidariteti, por edhe të garantojë furnizimet energjetike për Italinë.
Meloni kujtoi se kishte vizituar Algjerinë për çështjen e gazit natyror, ndërsa tani fokusi është te nafta. Në Gjirin Persik, Italia siguron 15% të nevojave të saj.
Lidhur me tensionet e brendshme politike pas humbjes së referendumit për reformën në drejtësi, ajo hodhi poshtë spekulimet për dorëheqje apo ndryshime në qeveri.
“Këto janë alkimi të qarqeve të pushtetit, që nuk i interesojnë askujt,” – deklaroi ajo.