Merz: Kina shfrytëzon në mënyrë sistematike varësitë e të tjerëve
Kancelari i Gjermanisë, Friedrich Merz, ka deklaruar se rendi ndërkombëtar po shkatërrohet. Duke folur në Konferencën e Sigurisë në Mynih të premten, Merz theksoi se po ndodh një përçarje midis Evropës dhe Shteteve të Bashkuara.
“Një përçarje është hapur mes Evropës dhe Shteteve të Bashkuara. Nënpresidenti JD Vance e tha këtë shumë hapur këtu në Mynih një vit më parë”, tha Merz.
Mediat raportojnë se kancelari gjerman tha se ekonomia e dytë më e madhe në botë shfrytëzon në mënyrë sistematike varësitë e vendeve të tjera. Sipas tij, Pekini po e rinterpreton rendin ndërkombëtar për ta përshtatur me qëllimet e veta strategjike.
“Nëse ka pasur një moment unipolar pas rënies së Murit të Berlinit, ai është tashmë larg. Pretendimi për lidership i Shteteve të Bashkuara është vënë në pikëpyetje, ndoshta edhe është humbur”, deklaroi kancelari gjerman.