Mbreti Charles III, në mesazhin e tij tradicional të Krishtlindjeve, ka bërë thirrje për paqe dhe unitet në një botë gjithnjë e më të përçarë.
Ai kujtoi 80-vjetorin e këtij viti të ngjarjeve historike, si Dita e Fitores në Evropë, duke theksuar se nuk duhet “të harrojmë kurrë” vlerat që bashkuan komunitetet përballë sfidave të mëdha.
Mbreti Charles III foli për rëndësinë e kohezionit të komunitetit dhe tejkalimin e ndarjeve.
“Ndërsa takoj njerëz me besime të ndryshme, e gjej jashtëzakonisht inkurajuese të dëgjoj se sa shumë kemi të përbashkëta. Me diversitetin e madh të komuniteteve tona, ne mund të gjejmë forcën për të siguruar që e drejta të triumfojë mbi të gabuarën,” tha ai, sipas raportimit të BBC.