Fluturime të anuluara dhe vonesa: Moti i keq ndikon në Aeroportin e Rinasit
Aeroporti “Nënë Tereza” ka njoftuar se për shkak të kushteve atmosferike të pafavorshme, disa fluturime mund të përjetojnë ndryshime në oraret e tyre.
Në një njoftim zyrtar për publikun theksohet se, operacionet në Aeroportin Ndërkombëtar të Tiranës vijojnë normalisht, ndërsa stafi po punon për të siguruar shërbime të pandërprera.
Pasagjerëve u bëhet thirrje të kontrollojnë statusin e fluturimeve të tyre dhe të mbajnë kontakt me linjën ajrore përkatëse për informacione të përditësuara.