VIDEO/ “Pirati” Muriqi fundos Real Madridin, goli i tij në shtesë i jep fitoren Majorkës dhe një asist për titullin Barcelonës
Vedat Muriqi është kthyer sot në faktorin që mund të vendosë titullin kampion në Spanjë, duke mposhtur me Majorkën e tij skuadrën e Real Madridit në një ndeshje kyç për sezonin.
Realit i duhej fitorja për të ngushtuar diferencën me Barcelonën, e cila luan një ndeshje të vështirë me Atletikon. Por madrilenët u goditën në pjesën e parë nga Morlanes, i cili u dha avantazhin vendasve.
Ekipi i Realit tentoi të kthehej në lojë në pjesën e dytë dhe ia doli të barazonte shifrat në fund me Militaon. Megjithatë, një kundërsulm në minutën e 91-të, i finalizuar në mënyrë perfekte nga Muriqi, i dha fitoren 2-1 Majorkës, duke ngjallur shanset e saj për mbijetesën.
Njëkohësisht, kjo fitore ndaloi Realin dhe i jep mundësinë Barcelonës të synojë arratinë përfundimtare drejt titullit kampion.
MAJORKA 2-1 REAL MADRID
- 42′ Morlanes
- 90’+1′ Muriqi
- 87′ Militao