Drejtori sportiv zbulon planin për rikthimin e Musialës, talenti i Bajernit pritet të kthehet në dhjetor.
Aktualisht, Bajerni po kalon një periudhë me rezultate pozitive. Drejtori sportiv, Maks Eberl, ka dhënë lajme inkurajuese përpara supersfidës së së shtunës mbrëma në Bundesligë kundër Leverkusenit.
Jamal Musiala, megjithëse po ndjek paraqitjet mbresëlënëse të ekipit nga tribuna, mund të rikthehet në fushën e lojës brenda pak javësh.
“Ne mendojmë se ai mund t’i bashkohet ekipit në dhjetor dhe ndoshta të marrë disa minuta loje, në mënyrë që të jetë 100% gati në janar,” shpjegoi drejtori sportiv planin e zhvilluar për Musialën.
Fundi i tetorit e pa atë të kthehej për herë të parë në fushën stërvitore. “Ishte fantastike për mua të rikthehesha në fushë. U ndjeva mirë. Këmba ime ndihej mirë,” u shpreh lojtari i talentuar sipas citimit të Bajernit pas stërvitjes. “Ky ishte një hap shumë i madh,” shtoi Musiala.