Sulmet mbi Iran, NATO reagon: Po ndjekim me vëmendje situatën në rajon
NATO ka reaguar pas sulmeve të Shteteve të Bashkuara dhe Izraelit mbi Iran, si dhe kundërpërgjigjes së këtij të fundit. Zëdhënësi i Aleancës, Allison Hart, deklaroi se NATO po ndjek me shumë vëmendje zhvillimet në Iran dhe rajon.
Anëtarët e NATO-s, si Shtetet e Bashkuara dhe Turqia, janë të detyruar nga një garanci e përbashkët mbrojtëse e quajtur Neni 5, të konsiderojnë një sulm ndaj një anëtari si një sulm ndaj të gjithëve, raporton Associated Press.
Aleanca sqaron se “ndihma mund të përfshijë ose jo përdorimin e forcës së armatosur dhe mund të përfshijë çdo veprim që Aleatët e konsiderojnë të nevojshëm për të rivendosur dhe ruajtur sigurinë e zonës së Atlantikut të Veriut”. Neni 6 përcakton fushën gjeografike të detyrimit të ndihmës së ndërsjellë të anëtarëve, duke e kufizuar atë kryesisht në zonën e Atlantikut të Veriut në veri të Tropikut të Gaforres.