Nejmar shprehu zhgënjimin dhe trishtimin e tij pasi nuk u përfshi në ekipin e Brazilit për miqësoret e ardhshme kundër Francës dhe Kroacisë.
Sulmuesi 34-vjeçar, i cili pësoi një këputje të ligamentit të kryqëzuar në tetor 2023 dhe iu nënshtrua një operacioni në gju në dhjetor, nuk u paraqit në ndeshjen e fundit kundër Mirassol, gjë që i kushtoi atij pjesëmarrjen në kampin stërvitor për Kupën e Botës.
“Do ta them sepse nuk mund ta lë të kalojë pa u thënë. Natyrisht, jam i zhgënjyer dhe i trishtuar që nuk jam thirrur,” tha ish-lojtari i Barcelonës dhe PSG-së për MadHouseTV.
“Por fokusi mbetet i njëjtë, ditë pas dite, seancë stërvitore pas seancë stërvitore, ndeshje pas ndeshjeje. Fokusi mbetet. Ne do ta arrijmë qëllimin tonë. Ende kemi thirrjen e fundit dhe ëndrra mbetet gjallë,” shtoi ai.