“Ky nuk është fundi i fushatës ushtarake”, reagon Netanyahu pas armëpushimit SHBA-Iran: Izraeli ka ende qëllime për të arritur
Kryeministri izraelit, Benjamin Netanyahu, ka mbajtur një fjalim drejtuar popullit të vendit të tij. Para çdo gjëje, Netanyahu u shpreh se dëshironte të “përkulej” para izraelitëve të vrarë në luftë deri më tani.
“Irani është më i dobët se kurrë, Izraeli është më i fortë se kurrë – kjo është e gjitha në fund të fundit. Ky nuk është fundi”, deklaroi ai.
“Irani po hyn në këto negociata i mundur dhe më i dobët se kurrë”, tha Netanyahu, duke theksuar se Izraeli ka ende qëllime për të arritur.
Netanyahu nënvizoi se bashkëpunimi SHBA-Izrael është ende i fortë.
Ai deklaroi se Irani nuk është në gjendje të prodhojë raketa të reja, duke shtuar se forcat e tij po qëllojnë tani nga rezervat ekzistuese në depot e tyre.
Netanyahu pretendoi gjithashtu se materiali bërthamor i Iranit do të nxirret nga vendi, ose me marrëveshje, ose duke fituar luftën.