Orban viziton Shtëpinë e Bardhë, Trump: Gjithmonë ka mundësi për një takim me Putinin
Kryeministri hungarez, Viktor Orban, është pritur nga Donald Trump para Krahut Perëndimor të Shtëpisë së Bardhë.
I pyetur nëse do të zhvillojë një takim me Vladimir Putin në Budapest, kryeqyteti i Hungarisë, Trump u përgjigj: “Gjithmonë ka një shans.”
Më parë ishte raportuar se Trump dhe Putin do të takoheshin në Hungari pas një telefonate muajin e kaluar. Megjithatë, presidenti amerikan e anuloi takimin, duke shprehur dyshime se ai mund të sillte përparim drejt një marrëveshjeje paqeje në Ukrainë.
Trump dhe Orban do të zhvillojnë bisedime në Sallën e Kabinetit.