Papa Françesku vlerësoi një marrëveshje paraprake mes Shteteve të Bashkuara dhe Iranit për t’i dhënë fund luftës në Lindjen e Mesme, duke shprehur mirënjohjen ndaj Zotit që të dy fuqitë janë gati ta nënshkruajnë atë zyrtarisht.
Papa Françesku, i cili më parë kishte shprehur kritika ndaj luftës me Iranin, tha se shpreson që marrëveshja do t’i japë fund konfliktit përgjithmonë.
“Do të ketë ende shumë pika për t’u zgjidhur, por është gjithmonë më mirë ta bëjmë këtë përmes dialogut, përmes negociatave dhe jo duke u rikthyer në luftë”, u tha Ati i Shenjtë gazetarëve jashtë rezidencës së tij në Castel Gandolfo, Itali.
“Shpresoj që kjo të jetë vërtet një zgjidhje për luftën, që lufta të ketë mbaruar vërtet dhe që ne të mund të ecim përpara”, shtoi ai.