Peceta në dorezën e makinës: Truku i ri i hajdutëve dhe strategjia e tyre
Prania e një peceteje në dorezën e derës së makinës mund të jetë një shenjë paralajmëruese se automjeti juaj është shënjestruar për vjedhje. Në raste të tilla, rekomandohet njoftimi i menjëhershëm i autoriteteve.
Bandat që merren me vjedhjen e automjeteve janë gjithnjë e më inovative në metodat e tyre. Përpara se të kryejnë vjedhjen, anëtarët e këtyre grupeve kryejnë një vëzhgim të detajuar dhe planifikojnë me kujdes operacionin.
Për të rritur gjasat e suksesit, shpesh ata “shënojnë” automjetin që kanë zgjedhur. Kjo praktikë është e ngjashme me atë që përdoret edhe në rastin e vjedhjeve të banesave.
Sipas informacioneve nga mediat spanjolle, një nga metodat më të zakonshme për të shënuar një makinë është vendosja e një peceteje në njërën nga dorezat e dyerve. Kjo veprim i sinjalizon anëtarëve të tjerë të grupit se makina është identifikuar dhe se duhet të fillojë mbledhja e informacionit mbi rutinën e pronarit, vendet ku ai parkon automjetin, e të tjera detaje.
Nëse peceta mbetet në dorezë për një periudhë të gjatë, kjo tregon gjithashtu se pronari me shumë gjasa nuk e përdor shpesh automjetin, duke e bërë atë një objektiv më të lehtë për hajdutët.
Prandaj, praninë e një peceteje në dorezën e makinës nuk duhet ta konsideroni si një rastësi. Duhet të dyshoni menjëherë, pasi është mjaft e mundshme që automjeti juaj të ketë tërhequr vëmendjen e një bande kriminale.
Në një situatë të tillë, është thelbësore të kontaktoni menjëherë policinë, për të parandaluar veprimtarinë e grupit kriminal.